АҒБАНДАҒЫЛАР ЧИР УЧАСТОГЫН АЛЧАЛАР
03.02.2017
Хабарлар
Ағбанның тикке чир алҷаң праволығ чуртағҷылары Хубачарда чир участогын алып пастапчалар. Аннаңар искірче Хакасияның ис-пай паза чир хайызығлары министрі Елена Соломонова.
Хакасия пазы Виктор Зиминнің чарадии хоостыра республикада льготалығ чуртағҷыларға, ол санда кӧп палалығ сӧбірелерге паза чиит специалисттерге чир участогын пирерінҷе тоғыс узарадылча. Тикке чир участогын сигіс муңҷа чуртағҷы алған, ол санда 3,5 муң чиит улус.
Ирткен чылда Алтай аймаандағы Хубачар аалда 1262 чир участогы тимге сығарылған, ӱс муң азыра - Ағбан пилтірі аймаанда. Ол пу аймахтарда ла нимес чир участогына теесті чабызарға полысхан, ідӧк Ағбан городтың ӱлгӱлеріне Хубачарда паза Солнечнайда 1800 чир участогын пирерге.
- Пу чыл пасталғаннаң республиканың ӧӧн городының чуртағҷыларына чир участоктары пиріл сыхты. Хубачарда ағбандағыларға 280 чир участогы кӧріл парған. Чуртағҷылар чир участоктарына пічіктерні тимнепчелер, оларның чоохтарынаң, мындағ часкалығ олар хаҷан даа полбааннар, - ӱлескен Елена Соломонова. - Пісті Солнечнайда чир участоктарын пирерінҷе улуғ тоғыс сағыпча. Ағбан чуртағҷыларына посёлокта 1500 чир участогы пирілер.
Автор :
Хакасияның ис-пай паза чир хайызығлары министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде