ТОҒЫС СООНҶА
21.02.2017
Хабарлар
АЛТАЙ КРАЙЫ. Алтайкрайстаттың таниинаң, чыл сай крайның 1000 чуртағҷызының 35-зі Россияның пасха регионнарынзар кӧсче. 2015 чылда 25 муң чуртағҷы парыбысхан, 2016 чылда аннаңох кӧп. Ағаа хоза, чылда 500-че кізі хырығ озаринзар кӧс парыбысча.
Мының алнында Алтай крайында 2,7 миллион чуртағҷы саналҷаң, амды, тізең, 2,5 миллионға даа читпинче. Алтайкрайстаттың сананыстары хоостыра, 10 чыл пазынаң регионда 2,28 миллион на чуртағҷы халар. Ӧӧнінде крайдаң школа тоосчатхан чииттер, тоғыс таппинчатхан улус кӧсче. Че оларның санында ідӧк пӧзік устығ специалисттер паза идінҷектер пар.
Олох туста пасха регионнардаң килген мигранттар сылтаанда Новосибирск облазында чуртағҷылар саны чыл сай 10 муң кізее ӧсче. Оларның 4 муң кізізі Алтай крайынаң.
Автор :
«Аргументы и факты»
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде