ТОҒАЗЫҒ ТӰЗІМНІГ ИРТКЕН
21.02.2017
Хабарлар
Хакасияның пазы Виктор Зимин Россия правительствозының вице-премьері Аркадий Дворковичнең тоғасхан. Тоғазығда ідӧк Россияның промышленниктер паза идінҷектер пірігізінің устағ-пастаа кізізі, «Базовый элемент» компанияның кӧрігҷі чӧбінің кнезі Олег Дерипаска араласхан. Чоох Сибирьдегі регионнарны промышленность саринаң тилітчең оңдайлардаңар парған.
Тоғазығ соонаң республика устағҷызы аның салтарларынаңар чоохтап пирген:
- Мин чӧпсінчем, тоғазығ уғаа тӱзімніг ирт парған. Піс Хакасия чирінде металлургия производствозын тилідерінең, транспорт-логистика системазын чахсыландырарынаң палғалыстығ сурығларны ӱзӱргебіс, - теен Виктор Зимин. - Хакасия пӱӱн - Россиядағы ӧзіс кӧзітчеткен кӧп нимес регионнарның пірсі, піс чыл сай хара тас анирын паза пасха даа продукцияны миллионнар тоннанаң ӧскірчебіс. Че пӱӱн таарлағларны тартчаң чолларның ніске орыннарын, ол санда таарлағ инфраструктуразын, алғыдарынҷа тоғыс апарбазабыс, пір-ікі чыл пазынаң піс прайзы орында турыбызарбыс паза пір дее ниме ит полбаспыс.
Піс пу чоохтазығны аннаң андар узарадарға чӧптес салғабыс, февраль соонзар Сочиде иртер инвестиция форумында, Хызылчардағы экономика форумында. Аркадий Владимирович ідӧк Хакасиязар кил парарға, алюминий сығарчатхан промышленность комплексін паза пасха даа объекттерні пос хараанаң кӧріп аларға пӧгінче. Алнында ам даа кӧп тоғыс, сағынған сағысты чуртасха кирер кӧп сурығларҷа піс пір чӧпке килгебіс.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде