Н.С. МАКСИМОВАНЫҢ АЛҒЫСТАЗЫ
22.02.2017
Хабарлар
Хакасияның аарлығ чуртағҷылары!
Прай чӱреемнең сірерні Ада чир-суубыс арачылағҷызы кӱнінең алғыстапчам!
Чир-суубысха хыныс, посха айабин, ағаа служба апарары сыбыра пістің чонның оңдайында. Чир-суубыс ӱчӱн чуртазын пир салған матырларны піс аарлапчабыс, хаҷан даа оларны ундутпаспыс. Пістің армияның тархынындағы саблығ кибірлерні амғы профессиональнай чааҷылар тӧлі узаратча. Чир-суубысха служба апарғаны хаҷан даа аарласта полча, ағаа ам тирең пілістер, айдас тимненіс, пик хылых киректелче.
Алынҷа алғыс сӧстерін читірчем ветераннарға - Илбек Ада чааның, кизек чаалазығларның араласчыларына. Сірернің махачы хылииңар ӱчӱн, чиит тӧлнең опытнаң ӱлесчеткен, оларны патриотизмге ӱгретчеткен ӱчӱн улуғ алғыс сірерге.
Прай чааҷыларға паза ветераннарға, Хакасияның прай чуртағҷыларына пик хазых, таңдағы кӱнге киртініс, амыр, иптіг чуртас алғапчам!
Автор :
Н.С.Максимова, Россияның Федеральнай Чыылииның Хазна Думазының депутады
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы