РОССИЯ ИҢ ЧАСКАЛЫҒ ХАЗНАЛАР САНЫНА КІРЧЕ
22.03.2017
Хабарлар
МОСКВА. Чыл сай ООН чуртасха иң истіг хазналарның рейтингін тимнепче. Ол рейтингче Россия, читі орынға кӧдіріліп, 49-ҷы пол парған. Аннаңар ООН-ның ӧнетін пӧлии искірген.
Эксперттер 155 хазнада чуртас синін істескеннер. Олар полған на хазнада сығарылчатхан ниме-ноолар синін, чуртағҷыларға социальнай полызығ пирілче бе, коррупциядаң тоғыр харбазығ апарылча ба, кізілер нинҷе чыл чуртапчатханын санға алғаннар.
Пастағы ӱс орынны рейтингте Норвегия, Дания паза Исландия алғаннар. Ідӧк кізілер Швейцарияда, Финляндияда, Канадада, Наа Зеландияда, Австралияда, Швецияда истіг чуртапчаттырлар. Рейтинг хоостыра США 14-ҷі орында пол парған, Германия - 16-ҷы, Франция - 31-ҷі. Иң соонда Руанда, Сирия, Танзания, Бурунди турчалар.
Автор :
Российская газета
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде