ИМНЕГ КИРЕЕНДЕ ПІР ДЕЕ ТОҒЫС ОРНЫ ХЫЗЫРЫЛБАС
28.03.2017
Хабарлар
МОСКВА. Россияның хазых хайраллаҷаң министрі Вероника Скворцова 2018 чылда имнег тоғынҷыларының чал ахчазы ӧс парар тіп искірген. Ідӧк имнег киреенде пір дее тоғыс орны хызырылбас тіп таныхтаан.
«Чал ахчазы ӧсче, 2018 чылда президенттің прай чахығлары толдырыл парар. Ол оңдайнаң, имҷілернің чал ахчазы 200 %-ке ӧс парар, ортын имнег тоғынҷыларының - 100 %-ке», - чоохтаан хазых хайраллаҷаң министр. Аның таниинаң, чал ахчазы имнег страхование системазына хоза ахча пирілчеткен сылтаанда ӧсче.
Росстаттың искірии хоостыра, 2016 чылның 9 айына имҷілернің чал ахчазы ортымахти 49 муң салковайға тиңнелген. Че прайзы ла мындағ саннарнаң чараспинча. Сынында чал ахчазы кӧзіділген саннаң асхынах тіпчелер олар.
Автор :
"Труд"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде