ВИКТОР ЗИМИН: «АМДЫ АБАЗАНЫҢ ТАҢДАҒЫЗЫ ӰЧӰН САҒЫССЫРАБИНЧАМ»
28.03.2017
Хабарлар
Хакасияның пазы Виктор Зимин Абаза городтың киреенҷе пастағы орынҷызы Олег Намнаң паза Абазадағы рудниктің директоры Александр Жуковнаң тоғасхан. Тоғазығда Ідӧк регион пазы администрациязының устағҷызы Валерий Денщиков араласхан.
Александр Жуков улуғ тоғыстың ӧӧн салтарынаңар искір пирген, хайзын предприятие, республика правительствозы, «ЕВРАЗ» компания паза федеральнай кін халғанҷы чарым чыл апарғаннар. «ЕВРАЗ» Абазадағы рудникке 200 метр тиреңзер кірерге киректелчеткен оборудование аларына инвестиция ахчазын пирҷең оңдайларны чарадыға алыбыстыр. Ағаа хоза, тендер ирт партыр, аның салтарларынҷа поставщиктер табылтыр. Контрактта хол салылған соонаң олар Абазадағы рудниксер киректелчеткен оборудованием читір сығарлар. Ол оборудование предприятиее иң асхынах он чыл тӱзімніг тоғынарға оңдай пирер. Оборудованиенің паазы - 300 миллион артиинаң салковай.
- Пу уғаа чахсы хабар піске, - таныхтаан Виктор Зимин. - Амды мин Абазаның таңдағызы ӱчӱн сағыссырабинчам. Пілдістіг, ам даа кӧп ниме ит саларға кирек, че пӱӱн піс ӧӧнін кӧрчебіс: пістің руда хатап кирексіністе, рынок кӧместең тірілче, руда паазы кӧӧлҷе, че ізестіг кӧдірілче. Абаза - монопрофильліг город, аның прай чуртазы рудникнең палғалыстығ. Піс Абазаны сидік оңдайдаң сығарып аларына кӧбізі киртінмеен, че мин хоза чоохтирбын - піс Тӧӧ пазын даа хаҷан даа тастабаабыс. Теес ағаа даа чидер, аннаңар прайзына хада тӱзімніг тоғынарға кирек.
Регион устағҷызы чыылығ араласчыларына иділген тоғыс ӱчӱн алғызын читірген. Ідӧк позының адынаң, республика чуртағҷылары адынаң Хакасияның промышленность паза садығ министрі Денис Мантуровха, «ЕВРАЗ» компанияның Директорлар чӧбінің кнезі Александр Абрамовха, «ЕВРАЗ»-тың Директорлар чӧбінің кізізі Александр Фроловха паза пу улуғ проекттің пасха даа араласчыларына алғыс сӧстерін читірчеткен телеграммалар ызыбызарға чахығ пирген.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде