ТОМСК - ТАЙГА КӦНІ ЧОЛ ПӰДІРІЛЕР
04.04.2017
Хабарлар
КЕМЕРОВ ОБЛАЗЫ. Кузбасс паза Томск облазы 2020 чылға Томск - Тайга кӧні чолны пӱдір саларға пӧгінчелер. Автомобиль трассазын пӱдірердеңер проектті ӱзӱргеннер ікі областьтың губернаторлары Аман Тулеев паза Сергей Жвачкин.
Наа чолның узуны 68 км полар. Аның 47 км Томск облазынҷа салылар, 21 км - Кузбасс чирінҷе. Чолны ікі чылға пӱдір саларға пӧгінчелер, тузаланысха 2020 чылда кирілер. Наа чол пӱдірии ікі регионның аразындағы бизнес палғалызын тыыдарға полызар. Ідӧк пу ікі город аразында автобустар чӧргізер оңдай полар. Чол пӱдіриине ікі регион 3 паза 7 млрд салковай хорадар, аннаң пасха 4 млрд салковайны - инвестор. Чол тайға чирінҷе салылар. Хайди таныхтаан Аман Тулеев, чолҷыларға полызыға МЧС-тың бригадаларын тартарға кирек.
Автор :
Кемеров облазының официапьнай порталы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде