ХЫДАТТАҒЫ ТУВА ЧОНЫ ААЛЛАДЫ
11.04.2017
Хабарлар
ТУВА. Регион пазы Шолбан Кара-оол Хыдаттағы Синьцзян-Уйгур автоном аймаандағы Тува чииттерінең тоғасхан. Олар Тувазар хоомейге ӱгренерге ӧнетін килгеннер. Тува культуразын тилітчең кінде ікі ай ӱгренген соонда, Бады-Олзей, Монге-Далай паза Шонду республика пазына устарын кӧзіткеннер.
Шолбан Кара-оол оларны тува чонның культуразын хайраллирға кӱстенчеткеннері ӱчӱн махтаан. Сын тува чонына тӧӧй ползыннар тіп, регион пазы аалҷыларға национальнай кип-азах сыйлаан. Пос чонының кип-азаан кизіп, олар сомға суурынғаннар.
- Пеер киліп, кӧп нимее ӱгреніп алғабыс. Амды піс, чир-суубыссар айланып, пасхазын хоомейге ӱгредербіс. Мында, Тувада, пістің ӧбекелерібіс, піс оларны чідірерге хынминчабыс, - теен 23 частығ ІІІонду. Амғы туста Хыдатсар хаҷан-да кӧскен 2,5 муңҷа тува чоны чуртапча.
Автор :
Туваның официальнай порталы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде