ШКОЛАЛАРДА IKI СМЕНА ЧОХ ИДІЛЕР
19.04.2017
Хабарлар
САХАЛИН ОБЛАЗЫ. Пис чыл аразына регионда 10 наа школа пӱдірілер. Ӧӧн пӧгін - ӱгредігнің ікінҷі сменазын чох идері паза иргі школаларны сайиры. Пастағы наа школалар Охинскай паза Долинскай аймахтарда пӱдіріліп пасталча.
800 ӱгренҷее улуғ школа Долинск городтың ортызында турыбызар. Ӱс хадыллығ наа тураның улии 12000 кв.метр полар. Анда, уроктар иртірҷең класстардаң пасха, ідӧк библиотека, музей, радиостудия, тренажёр залы, имнег пункты, психологтың паза логопедтің кабинеттері, улуғ столовай, спортзал полар. Пу школа 2018 чылның 1 сентябрьына тимде поларға кирек.
Ідӧк пӱӱл Тунгор аалда 90 орыннығ школаның пӱдірии пасталар. Андох олған сады полар.
- Піс 2022 чылға теере чыл сай ікілер наа школа азарға сағынчабыс. Іди піс школалардағы ікінҷі сменаны чох идіп аларбыс, - тіпче губернатор Олег Кожемяко.
Автор :
Сахалин облазы правительствозының официальнай порталы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы