ПАЛАЛАРНЫҢ ХАЗИИ - ПІСТІҢ ХОЛЫБЫСТА
26.04.2017
Хабарлар
Пу неделяда Хакасияның школаларында иммунизация неделязына чарыдылған класс частары паза викториналар иртірілче. Анда олғаннарға прививкаларның тузазынаңар чоохтапчалар.
Ӱгренҷілернің іҷе-пабаларынаң ідӧк тоғазығлар иртірілче. Оларға Ағбандағы олған имнег туразының имҷілері «Палаларның хазии - пістің холыбыста» темаҷа искіріглер тимнеп салғаннар. Паза Ағбанның улуғ садығ тураларында аймах акциялар иртче. Мында чуртағҷыларға имнег профилактиказы кінінің тоғынҷыларынаң чӧптезіп алҷаң оңдай пирілче.
Пӱӱнгі кӱнде, прививкалар турғызып, чуғынҷах ағырығлардаң тоғыр кӱрезеріне улуғ хайығ салылча. Вакциналарға ахча федеральнай бюджеттең позыдылча, аннаңар чуртағҷыларға прививкалар тикке турғызылча.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде