ХАКАСИЯДА ХЫҒЫРЫҒҶЫЛАРДАҢ ИНТЕРНЕТ ПАСТЫРА ТОҒЫНҶАҢ НАА ОҢДАЙЛАР ӰЗӰРӀЛДӀ
24.05.2017
Хабарлар
Суурған Антон Долгов - https://www.facebook.com/photo.php?fbid=1346186858770557&set=pcb.1346186922103884&type=3&theater
Майда "Хакасия" газета редакциязында "МояОкруга" федеральнай проекттің медиаэксперттері араласхан сылтаанда "Аймахтардағы СМИ-ларның оңдайларын Интернет хайди алғытча - аудиториянаң, контентнең, рекламанаң тоғынары" семинар ирткен. Ол Россияның ИТАР-ТАСС искірігліг телеграф агентствозы (Москва г.) хабазиинаң иртірілген.
Семинарда Хакасияның аймахтардағы газеталарның 30 азыра ӧӧн редакторы паза специализі араласхан. Медиаэксперттер - ИТАР-ТАСС-тың ӧӧн редактор орынҷызы Александр Куприянов, "МояОкруга" проекттің тӧстегҷізі Антон Долгов паза "ЛюдиРеорІе" компанияның устапчатхан партнёры Владимир Змеющенко - наа оңдайлардаңар чоохтааннар.
Семинар араласчыларына амғы СМИ-ларның, газеталарның, сайттарның паза социальнай сетьтернің тиліпчеткен оңдайларынаңар чоохтааннар. Ідӧк эксперттер тоғысха тузалығ чӧптер пиргеннер, ол санда хайди Интернет городтың паза аймахтың газетазының оңдайларын алғыт поларын чарытханнар паза наа инструменттернең таныстырғаннар, хайзылары газетаа коммуникацияларның электроннай каналларына кӧнік парған хығырығҷыларны тартарға полысчалар. Мероприятие азых паза ӱзӱрҷең оңдайлығ ирткен, аның араласчылары постарына хынығ сурығларны пиргеннер.
"МояОкруга" халыхтар коммуникациязының кіні: Россияның регионнарында азых эксперт площадкаларын тӧстеп" аймахтардағы паза ааллардағы СМИ-ның редакторларының паза хабарҷыларының пілістерін алғыдары" проектті чуртасха кирерінде хазна хабазииның ахчазы тузаланылча, хайзы, кічіг городтарда паза аалларда ӧткін чуртағҷыларға хабасчаң "Перспектива" фонд иртірчеткен марыға тӧстеніп, Россия Федерациязының Президентінің 2016 чылның 05 апрельінде алылған 68-рп N° Чарадии хоостыра грант пастыра пирілген.
Автор :
Александр Терещенко
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде