ХАКАСИЯА АХЧАЛЫҒ ПОЛЫЗЫҒ ПИРІЛЕР
02.06.2017
Хабарлар
Москвада Хакасияның пазы Виктор Зимин Россияның финанстар министрі Антон Силуановнаң тоғасхан. Хайди телефонҷа регионның устағҷызы искірген, минфинде чоохтазығлар Москвадағы тусча 22.30 часта тоозылған.
- Ӱзӱріг чахсы ирткен. Антон Германович Хакасия пӱӱн хайдағ кӧзідімнерҷе хазнаның иң артых регионнар санында полчатханын таныхтаан. Профессионал кізі ідӧк пістің сала уйан арах сариларыбысты кӧзіт пирген. Пу тоғазығдаңар чахсы сағыстар халған. Антон Силуанов - сын хазна кізізі, позының тоғызында кӱстіг профессионал, - таныхтаан Виктор Зимин. - Москвазар чорыхтың ӧӧн чидии: Хакасия позына ахчалығ полызығ хоза пирерге кирек полчатханын Россияның финанстар министерствозында кӧзіт пирген. Чоох парған 9 - 12 миллиард салковай пирердеңер. Ол ахча бюджетті иптеп саларына парар. Пу уғаа кирек сурығны пӧгерінде полыс пирген ӱчӱн алынҷа алғыс сӧстерін читіргем Хакасиядаң Хазна Думазынзар табылған пістің депутадыбыс Надежда Максимоваа.
Минфиндегі пу чоохтазығлар Россияның президенті Владимир Путиннең, анаң Федерация Чӧбінің кнезі Валентина Матвиенконаң тоғазығларның узарааны полған.
Чоохтирға кирек, промышленность производствозының ӧзізінҷе республика Россияның пастағы он субъекті санына кірче паза Сибирьдегі регионнар аразында - ӱс лидер санына. 2016 чылда промышленность производствозының индексі 111,4 % полған, Россияда ол ортымахти 101,3 %-ке тиңнелген. Региондағы промышленность тилізі бюджеттің парыстығ чардығына теелген. Аның сылтаанда постың парыстары 10 % (1 млрд 448 млн салковайға) ӧс парған.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде