ПІС АЙМАХ-ПАСХАБЫС,ЧЕ ПІС ПІРГЕ ПОЛЧАБЫС
09.06.2017
Хабарлар
12 июньда — Россия кӱні
Россия Федерациязының полған на чуртағӌызына 12 июнь - иң ӧӧн хазна ӱлӱкӱні! Хакасияның Правительствозы паза Ӧӧркі Чӧбі пістің республиканың прай чуртағӌыларын паза аалӌыларын полған на кізее иң аарлығ ӱлӱкӱннең чылығ алғыстапчалар.
Пӱӱн Хакасияда 100 азыра аймах-пасха нациялығ чон чуртапча. Пісті прайзын тӧреен Ада чир-суубыс ӱчӱн поғдархас, кӱстіг паза чахсы чуртастығ полар сағыс піріктірче. Піс прайзы Россияның ӱлӱзі ӱчӱн нандырығлығ полчабыс.
Аарлығ чир-суғӌылар, сірернің тіспен істенізіңер паза талантыңар сылтаанда, пістің республикада амыр паза удур-тӧдір пілізістіг чуртас хайраллалча. Хайда даа тоғынзабыс - улуғ производствода, чазыда, дача участогында алай ибде - полғаныбыс ла позының хозымын итче пір кирекке - пістің кічіг чир-суубыстың, ідӧк Ада чир-суубыстың, чахсы чуртазын тыыдарына.
Пу танығлығ кӱнде прайзына пик хазых, часка паза таңдағы кӱнге ізеніс алғапчабыс. Россияа туза ағылӌаң прай чахсы пастағларда сірерге оң ползын!
В.М. ЗИМИН. Хакасияның пазы - Хакасияның Правительство кнезі.
В.Н.ШТЫГАШЕВ, Хакасияның Ӧӧркі Чӧп кнезі
Ағбанда 12 июньда, Россия кӱнінде, «Россия чоннарының ынархас парады» чӧріс иртер. Тиксі Россиядағы чӧрісте 30 азыра субъекттің, ол саңда Хакасияның чуртағҷылары аралазар.
РОССИЯ ЧОННАРЫНЫҢ ЫНАРХАС ПАРАДЫ
Национальнай кип-азахтығ аймах чоннарның кізілері транспаранттығ паза пасха даа пайрамнығ атрибутикалығ «Орлёнок» парктаң Пастағы май площадьынзар парарлар. Чӧріс тоозылза, улуғ концерт кӧзіділер.
Чӧріс араласчылары 11.00 часта «Орлёнок» парктың ӧӧн ізии алнында чыылызарлар. Чӧріс 11.40 часта тибіреп пастир. Колонна, Лениннің, Карл Маркстың орамаларынӌа иртіп, Пастағы май площадьында чӧрізін тоозар.
Парадта хынған на кізі аралас полар. Араласчылар национальнай кип-азахтығ ползалар, чахсы полар. Пастағызын мындағ парад 2014 чылда Киров городта ирткен. Аны Киров облазының правительствозы паза «Чарых город» культура чыындызы тимнееннер.
Пӱӱл мероприятиее Россияның Халыхтар палатазы паза Россия чоннарының ассамблеязы чӧпсінгеннер. Чӧріс 30 азыра городта иртері кӧрілче. Хоза искіріглерні (3902) 239-001, 239-004 телефоннарӌа аларға чарир.
Автор :
Хакасияның национальнай паза территориапьнай политика министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде