«ПІС - ХАКАСПЫС» КӦЗІДІГ
30.06.2017
Хабарлар
30 июньнаң 10 июльға теере Л.Р.Кызласовтың адынаң чир-суғ ӱгренҷең музейде республиканың ӧӧн чуртағҷылары «хакас» ат алынғаннаң 100 чыл толчатханына чарыдылған «Піс - хакаспыс» кӧзідіг тоғынар. Анда 1727- 1991 чыллардағы аймах материалларнаң танызып аларға чарир.
Ол кӧзідігнің пір пӧлиинде хакастарның ӧткін кізілерінеңер чоохталча. Мында ученай-этнограф, халых-чарыдығлығ тоғыстың пастағҷызы Степан Майнагашевтеңер, хакас чонның I съездінің кнезі Сатик Окуневтеңер, пастағы хакас журналист Иван Барашковтаңар, Хакас уездінің паза округының толдырығ комитедінің пастағы кнезі Георгий Итыгиннеңер піліп аларға чарир.
10 июльдаң «Піс - хакаспыс» кӧзідіг музей-культура кінінде тоғынар. Сентябрьдаң ол республиканың аал-городтарынҷа кӧс чӧр сығар.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде