ХАКАСИЯНЫҢ САНАВИАЦИЯЗЫНЫҢ ИМНЕГ ВЕРТӦЛЁДЫ ПАР
11.08.2017
Хабарлар
Хакасияда 28 июльдаң имнег модульы турғызылған ӧнетін МИ-8 вертолёт кӱннің сай, ол санда тынағ кӱннерінде, республиканың аймахтарынзар, табырах имнег полызиин пирер ӱчӱн, учуғыстар толдырча. Амғы туста ол Ағбандағы аэропортта орныхча.
Санитарнай авиацияның бригадазы 10 учуғыс толдыр салған, ол чорыхтар тузында Хакасияның 15 чуртағҷызына, ол санда 2 палаа, имнег полызии пирілген.
Ам подряднай пӱдіріг организациязы Шира аймаанда вертолёт хараа-кӱнӧрте полҷаң площадканы пӱдіріп пастабысхан. Андағох площадкаларны Ағбан пилтірі паза Таштып аймахтарында пӱдірердеңер чӧптезіглер апарылча.
2017 чылда Хакасия санавиацияа полызарынҷа паза тилідерінҷе хазна программазына кірген. Аны хоостыра республикаа 128 млн. салковай пирілген.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде