РУДНИК НАА ЧИРДЕ ТОҒЫНАРҒА ТИМНЕНЧЕ
15.08.2017
Хабарлар
Хакасия пазы Виктор Зимин пу наада «Абазадағы рудниктің» директоры Александр Жуковнаң тоғасхан. Предприятие устағҷызы рудниктегі алызығлардаңар искірген.
- «Абазадағы рудник» тиліпче. Ағырин-кӧӧлҷе хаалап, че тиліпче. Піс предприятием рудалығ ікі чӱзінҷі чирзер кирерге тимнепчебіс. Тоғынҷылар тӱзімніг, кирек кӧзідіглерге чидіп тоғынчалар. Пӱӱнгі кӱнге «ЕВРАЗ» компанияның кізілерінең нинҷе-де тоғазығ иртірілгең чӧптезіглер апарылған. Нинҷе-де сурығҷа чӧптезіглерде хол салылар, ол санда техника алардаңар. Кӧзідімге, ікі бутобой Абазадағы складсар читірілген. Аннаң андар ӧнетін техника кӧрілген тус хоостыра пирілер. Декабрь пасталыбысса, піс рудалығ ікі чӱзінҷі чирде тоғыстар пастирға пӧтінчебіс, - чоохтаан Александр Жуков.
- Чахсы алызығлар пар. Предприятиенің киректері толдыразынаң оңдайланғаннаңар чоохтирға ирте, че «ЕВРАЗ» оборудование аларына хай пірее инвестиция итчеткені - чапсых кӧзідім. Ол таңдағызына хозым, - таныхтаан Виктор Зимин.
Республика устағҷызы ідӧк пу чағында Абазазар паза предприятиезер тоғыс чорығынаң парарға, чуртағҷыларнаң паза тоғынҷыларнаң тоғазарға пӧгінче.
- Абазадағы рудниктің тиліҷең оңдайлары парын мин пілчем, ол чахсы оңдайлар. Пістің прай чидіглерібіс чох поларҷых, республика устағҷызы хабаспаан полза. Предприятиее полызар ӱчӱн, ол правительствоның прай кӱстерін тартхан. Ол кӱстеністер сылтаанда, піс рудника хайраллап халғабыс. Абаза город ӧңненеріне ізеніс пар, - чарытхан пу тоғазығ салтарларын Александр Жуков.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде