САПОГОВТА - ТАБЫРАХ ИМНЕГ ПОЛЫЗИИН ПИРҶЕҢ ПОСТ
18.08.2017
Хабарлар
Вторникте Ағбан пилтірі аймааның Сапогов аалындағы амбулаторияда табырах имнег полызииның посты азылған. Аның ӧӧн пӧгіні - орындағы, Райковтар, Томыҷахтар, Весенний аал чӧптерінің чуртағҷыларына пирілчеткен табырах имнег полызииның синін кӧдірері.
Амғы туста Сапоговта амбулатория тоғынча, ол ікі муң азыра чуртағҷыны хайығда тутча. Аал аймахтың кінінең 40 км оортахта орныхча. Мының алнында табырах имнег полызии машиназы аннаң кил турҷаң.
- 2017 чылның 1 августынаң сығара табырах имнег полызии кізілерге чуртапчатхан чирінің хыриндағы табырах имнег полызии станциязында пиріл турар. Кӧзідімге, Таштып аймааның Кічіг паза Улуғ Арбыт, Арбыт аалларының чуртағҷыларына ол Абазадағы табырах имнег полызии станциязында пирілер, - таныхтааннар Хакасияның хазых хайраллаҷаң министерствозында.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде