КІЗІЛЕРГЕ ТИККЕ ПОЛЫСХАН ӰЧӰН ХЫҶАНЫС
22.08.2017
Хабарлар
ОМСК ОБЛАЗЫ. Трубецкое аалның чуртағҷызы Вадим Остапенко нинҷе-де ай хонҷыхтарын паза хонҷых ааллар чуртағҷыларын городсар тикке тарт чӧрче. Че анзы кізілерні тарт чӧрерінең айғасчатхан орындағы идінҷектернің кӧңніне кірбеен. Ол лицензия чох тоғынча тіп хопнаң айланғаннарында, прокуратура Остапенконың алнын алған.
Иреннің Омскта пекарнязы пар. Тӧрт тоғынҷызы Трубецкое аалдох чуртапча, ипчізі предприятиенең устапча. Оларны городсар тарт чӧрер ӱчӱн, Остапенко, микроавтобус арендаа алып, орыннар парда, ідӧк кізілерні тикке тарт чӧр сыххан. Че пастағы тустаңох ирен сидіксіністерге тоғасхан. Таныс нимес кізілер микроавтобузының тегілектерін тис сыхханнар, нинҷе-де хатап чолда тохтадып, хыҷанғаннар. Остапенко аннаңар прокуратуразар искірген, амды аның айланызы хоостыра сыныхтағ иртірілче.
Автор :
ТАСС
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде