ВЛАДИМИР ШТЫГАШЕВ ААРЛАСТЫҒ СЫЙЫХХА ТУРЫСХАН
22.08.2017
Хабарлар
Россия президентi Владимир Путин 17 августта 2017 чылда Хакасияның Ӧӧркі Чӧбінің кнезі Владимир Штыгашевті «За заслуги перед Отечеством» IV степеньніг орденнең сыйыхтирдаңар Указта хол салыбысхан.
Владимир Штыгашев Россияның хазна пӱдізін тыыдарына улуғ хозым иткені паза ӱр чыллар тіспен істенгені ӱчӱн хазнаның сыйиина турысхан. Мындағ сыйыхнаң улуғ хозым иткен не алынҷа кізілер сыйыхтатча. Кӧзідімге, хазна пӱдізін тыыдарына, хазнаның чуртас-экономиказын тилідеріне, наука-істезігліг тоғысха, культураны паза искусствоны тилідеріне, спорт чидіглеріне, чоннар аразындағы амыр чуртасты, ынархасты паза пірге тоғысты пиктиріне, хазнаның арачыланызын тыыдарына хозым иткен чуртағҷылар.
Чоохтирға кирек, Владимир Штыгашев кӧп сыйыхтарға турысхан кізі. Ол Аарлас орденінең, «Знак Почёта» орденнең, Ынархас орденінең, «За заслуги перед Хакасией» орденнең, Россия Федерациязы Президентінің Аарластығ пічиинең, Россияның Хазна Думазының Аарластығ пічиинең, онарлап медальнаң паза Хакас Республиканың Ӧӧркі Чӧбінің Аарластығ пічиинең сыйыхтатхан.
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде