ГОРОД МАРИИНДА - ПАСТАҒЫ ОРЫНДА
23.08.2017
Хабарлар
Н.Ф.Катановтың адынаң Хакас хазна университедінің аал хонии институды «Порчолар мозаиказы-2017» город марииның чиңісчізі полыбысхан.
Институт «Кӧк ӧзімнерні паза чахайахтарны ортымах паза пӧзік ӱгредіг учреждениелерінде иң чахсы ӧскірері» номинацияның чиңісчізі полыбысхан. Аал хонии институды пір ле хати чиңісчі полбаан. Студенттер ӱгретчілернең хада мындағ сіліг клумбалар одыртчалар. Ӧӧнінде агрономға ӱгренчеткеннер анда істенчелер. Пӱӱлгі ӧзімнер паркының дизайнері Анастасия Кочарова полча.
Аал хонии институдының директоры Галина Минюхина институт пістің ибібіс, аннаңар ол прай саринаң иптіг паза сіліг поларға кирек тіп санапча.
Пастағы орын ӱчӱн институтха диплом паза 4000 салковай ахчалығ сертификат пирілген. Пу ахчаа ӱреннер алылар.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде