ХЫЗЫЛЧАРДА ТИМНЕНІС ИРТЧЕ
23.08.2017
Хабарлар
Меспектіг хоккейҷе Россия чемпионадының пӧзік лигазының Іскеркі подгруппазында ойнапчатхан Ағбандағы «Саяны» команда, чайғыдағы тренировкаларны ибде тоозып, теестегі марығларға тимненерге Хызылчарзар парыбысты.
- Анда піс пуста чыларға, удур-тӧдір пілізіп ойнирға кӧнігербіс. Чылығ туста пусха сыхпааны марығларға тимненерге харығ поладыр, - таныхтаан Ағбандағы «Саяны» команданың ӧӧн тренері Евгений Баженов.
Чир-суғҷыларыбыс Хызылчардағы арған пуста кӱннің сай ікілер час тренировкалар иртір турарлар. Оларға анда арған пустығ «Первомайский» каток тузаланысха пирілген. Ол чабых каток.
Ағбандағы «Саяны» команданың хоккеисттері Хызылчарда теестегі марығларға тимненісті 2 сентябрьға теере иртірерлер.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде