ВИКТОР ЗИМИННӀ АЛҒЫСТААННАР
25.08.2017
Хабарлар
Хакасия пазы Виктор Зимин 23 августта 55 чазын толдырған. Пайрамнығ тӧреен кӱнінең аны чир-суғҷылары, Катанов аалда хада ӱгренген арғыстары, ӱгретчілері паза аалдағы чииттер алғыстааннар.
- Хакасияның ӧӧн устағҷызы пістің Катановтағы школаны тоосханына піс матап поғдархапчабыс, - чооғында таныхтаан школа директоры Лариса Барашкова.
Алғыстастарға ідӧк хозылғаннар ӱгретчілер, хайзылары хаҷан-да Виктор Михайловичке піліс пиргеннер. Олар пасталығ класстар ӱгретчізі Алиса Ананьевна Угдыжекова, математика ӱгретчізі Екатерина Петровна Чаптыкова, орыс тілі паза литература ӱгретчізі Надежда Михайловна Тинникова.
Тоғазығда катановтағылар республика пазына кинде, тимнеп, сыйлап пиргеннер. Андар Виктор Зиминнің кічіг паза школа тузындағы сомнары кирілгеннер. Оларны кӧріп, Виктор Михайлович матап чапсып парған.
Алғыстас сӧстеріне ідӧк аалдағы школаның чиит ӱгретчілері паза ӱгренҷілері хозылғаннар. Дмитрий Ооржак Катановтағы футбол ӧмезінің адынаң Хакасия пазына футболка сыйлап пирген, ӱгренҷілер, тізең, постары чыған мӧӧтті читіргеннер.
Виктор Зимин чир-суғҷыларына ідӧк ӱндескен - катановтағыларға, Хакасия правительство туразынҷа экскурсия иртіріп, позының кабинедін кӧзіт пирген.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде