ТИМЕНІС ПАРЧА
29.08.2017
Хабарлар
Хакасияда орындағы пос . устаныс органнарынзар 2017 чылның 10 сентябрьында иртер табығларның азынада ӱн пиріс итчең табығ участоктары паза оларның тоғынҷаң тузы чарадыға алылған.
Пірге ӱн пиріс итчең кӱнде орындағы пос устаныс органнарынзар табығлар республиканың прай даа аймахтарында паза городтарында иртер, Ағбан город ла оларның санына кірбинче. Тиксі Хакасияда 26 табығ кампаниязы иртче, оларның 13-і городтар, аймахтар паза ааллар пастарын табарынҷа, 13-і -представительнай органнарның депутаттарын.
Азынада ӱн пир поларлар табығҷылар, хайзылары ӱн пирҷең кӱнде пірее кирек сылтағнаң чуртапчатхан орында чох поларлар. Анзына оларға постың территориальнай алай участковай табығ комиссиязынзар паспорттығ айланарға паза килістіре айланыстығ пічік пас саларға кирек. Территориальнай табығ комиссияларында (ТИК) азынада ӱн пиріс 2017 чылның 30 августынаң сығара 5 сентябрьына теере иртер.
Пу кӱннерде Саяногорсктың, Харатастың паза Сорығның ТИК-тарында, ідӧк Асхыс, Пии, Таштып, Ағбан пилтірі паза Шира аймахтарында 16.00 - 20.00 частарда азынада ӱн пирерге чарир полар. Абаза городта азынада ӱн пиріс тоғынҷаң кӱннерде 9.00 - 20.00 частарда, Алтай аймаанда - 14.00 - 20.00 частарда, Орджоникидзе аймаанда - 9.00 - 20.00 частарда, Боград аймаанда - 12.00 - 20.00 частарда.
Тынағ кӱннерінде азынада ӱн пиріс кӧбізі 10.00 - 14.00 частарда иртер. Асхыс, Боград аймахтарында паза Саяногорск городта ла азынада ӱн пирері 10.00 - 16.00 частарда полар.
Участковай табығ комиссияларында азынада ӱн пиріс 2017 чылның 6 сентябрьынаң сығара 9 сентябрьға теере 16.00 - 20.00 частарда иртер. УИК-тарның азынада ӱн пирізінҷе тоғызының графиктерін постың территориальнай алай участковай табығ комиссияларында піліп аларға чарир.
Автор :
Хакасияның Табығ комиссиязының хабарлар пӧлии
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде