ПИС ӰГРЕТЧЕЕ - АХЧАЛЫҒ СЫЙЫХ
01.09.2017
Хабарлар
Хакасияның иң артых пис ӱгретчізі, федеральнай марығда аралазып, ахчалығ сыйыхха турысты. Іди пӱӱл, ахчалығ сыйыхха турызып, 200-ер муң салковайны Асхыс аймаандағы Чоғархы Асхыс аалның ортымах школазының ӱгретчізі Виктор Тодинов, Шира аалның 18 № школазының ӱгретчізі Елена Большакова, Ағбандағы гимназияның ӱгретчізі Людмила Верховцева, 25 № школаның угретчізі Антонина Садомова паза Ағбан пилтірі аймаандағы Расцветтегі школаның ӱгретчізі Ольга Скляр аларлар. Чиңіс тутхан угретчілерні Хакасияның ӱгредіг паза наука министерствозы чылығ алғыстапча.
- Ахчалығ сыйыхха республиканың иң артых ӱгретчілері турысты. Олар ӱгредіг киреенде паза халых тоғыста пӧзік чидіглерге читкеннер, - таныхтаан Хакасияның ӱгредіг паза наука министрі Лариса Гимазутина.
Мындағ ӱгретчілер марии Россия президенті чахии хоостыра 2010 чылдаң иртірілче. Анда ӱгредіг учреждениезінде, ӱгретчі полып, ӱс чыл азыра тоғын салған ӱгретчілер араласчалар.
Автор :
Хакасияның ӱгредіг паза наука министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде