ПІР САҢАЙ ӰС ПАЛА ТӦРІЗЕ - ПІР МИЛЛИОН САЛКОВАЙ
26.09.2017
Хабарлар
Ағбандағы сӧбіреде пӱӱл июльда пір саңай ӱс пала тӧреенде, іҷе-пабаа пір миллион салковай пирілген. Хакасияда андағ пір хати пирілчеткен ахчалығ полызығны тӧртінҷі сӧбіре алды.
Андағ сӧбірее пу ахчалығ хабазығдаң пасха ідӧк социальнай полызығлар пирілче. Палалары олған садынзар чӧрбинчетселер, оларны няня кӧрчеткен ӱчӱн иділчеткен тӧлеглернің компенсациязын іҷе алай паба ай сай алча. Ӱс палаа пирілчеткен тӧлегнің сині - 10 муң салковай.
Алында республикада пір саңай ӱс пала тӧрізе, сӧбірее пір хати пирілчеткен ахчалығ полызығның сині 100 муң салковайға тиңнелҷең. Паза ай сай 4611 салковай тӧлелҷең. Хакасия пазы Виктор Зиминнің кӱстенізінең ол тӧлеглер сині ӧскірілген.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде