ХАКАС ДРАМА ТЕАТРЫНЫҢ ЧИДІГЛЕРІ
03.10.2017
Хабарлар
Хакас драма театрының артисттері «Сибирьдегі Камерата плюс-2017» фестивальда араласханнар. Ол Хызылчар крайындағы Шарыпов городта ирткен.
Фестивальда хакас чайаачылары «Чил хайы» спектакльны кӧзіткеннер. Ойынны кӧрігҷілер дее, критиктер дее пӧзік паалааннар. Ідӧк фестиваль тузында театр лабораториязы тоғынған. Москвадағы режиссер Надежда Кубайлат пістің артисттернең хада «Слепота» спектакльның эскизін тимнеен.
Фестивальның жюризі хакас артисттерні ікі дипломнаң таныхтаан. Пастағы диплом сцена устарына «Чил хайы» ойын ӱчӱн пирілген. Ікінҷі диплом артист Валентин Ульчигачевке читірілген. Ол «Слепота» спектакльда ӧӧн матырның омазын пӧзік синде чайап салған.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы