РЕСПУБЛИКАНЫҢ ІКІ ШКОЛАЗЫ ТАНЫХТАЛДЫ
10.10.2017
Хабарлар
Хайди искірче Хакасияның ӱгредіг паза наука министерствозы, республиканың аалдағы ікі школазы Россияның 300 иң чахсы аалдағы школалар санында пол парды. Ол - М.И.Чебодаевтің адынаң Асхыстағы лицей-интернат паза Пиидегі ортымах школа-интернат.
- Россияның иң турыстығ школалар санында пол парған Хакасияның ӱгредіг учреждениелерін чылығ алғыстапчабыс. Пу чидіг - ӱгретчілернің кӱннің сай апарылчатхан тоғыстың салтары. Оларға мыннаң мындар наа чидіглерге чидерге, турғысхан пӧгіннерні толдырарға алғапчабыс, - чоохтапча Хакасияның ӱгредіг паза наука министрi Лариса Гимазутина.
Иң артых аал школаларын таллапчатханда, иң пастап ӱгренңілер хазна сыныхтағларын хайди тутчатханын, тиксі Россия олимпиадаларында араласчатханын санға алғаннар.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде