РЕСПУБЛИКА ПАЗЫНА - АЛҒЫСТАС ПІЧИИ
11.10.2017
Хабарлар
Хакасия пазы Виктор Зиминнің адына харатасчылар сабланызы фестивальы араласчыларынаң паза аны тимнееннердең алғыстас пічии кірген.
Фестиваль пӱӱл пастағызын на республикада ирткен. «Пу улуғ мероприятие пӧзік синде ирт парған, анзы шахтерларның фестиваль чӧрімі Хакас чирінде хатап тӧриріне ізеніс пирче. Мындағ тархындағы киректе араласханыбыс пісті ӧріндірче. Фестивальны, тимнеп, чахсы иртірібіскеннері ӱчӱн, республиканың устағ-пастаана паза «Разрез Аршановский» ООО-ның ӧмезіне улуғ алғызыбыс читірчебіс», - пазылча пічікте.
27 августта ирткен фестивальда Лариса Долина, Дима Билан, Игорь Саруханов паза аннаң даа пасха саблығ ырҷылар, ӧмелер араласханнар. Республика чуртағҷыларына мындағ сыйыхты Хакасия правительствозы хабазиинаң Аршандағы разрез ит пирген.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы