ПРОФИЛАКТИКА ТОҒЫЗЫН АПАРАРҒА
18.10.2017
Хабарлар
МОСКВА. Россияның хазых хайраллаҷаң министрі Вероника Скворцованың таниинаң, 40 часха читкелектернің аразында инсульттаң ағырчатханнарның саны ӧсче. Аннаңар ағырығның профилактиказына хайығ саларға кирек.
- Мының алнында ишемия алай мииссер хан ойлабысханы ӧӧнінде 40 - 45 частығларның аразында тоғасчаң, амды 20 - 30 частығларның аразында пол парчатханы удаа тоғасча, - таныхтаан Вероника Скворцова имҷі-волонтёрларнаң тоғасханда.
Хайди искірген министр, инсульт пол парза, кізее тузында полызығ кирек. Ағырығ пасталыбысханы пілдірібіссӧк, кізее 4,5 час аразына полызығ пирерге кирек. Андада кізі табырах имненіп алар. Аннаңар волонтёрлар ағырығның профилактиказына улуғ хайығ салчатханы уғаа чахсы.
Автор :
Интерфакс
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде