КАМЕРНАЙ МУЗЫКАА ХЫНЧАТХАННАРҒА
20.10.2017
Хабарлар
Хакас филармониязында 22 октябрьда 16.00 часта камернай музыканың концерт иртер. Сӧрӧн кӱскӱ кӱннерінде саблығ композиторларның кӧглері чонның кӧңнін кӧдірер.
Концерттің пастағы чардығында музыканттар Марина Дорина (флейта), Татьяна Шепелева (виолончель) паза Тамара Соколова (фортепиано) немец композиторлар И.Бахтың паза К.Вебернің чайаачы тоғыстарын толдырарлар. Концерттің ікінҷі чардығында С.Рахманиновтың произведениелері толдырылар, ол санда виолончельнең фортепианаа пазылған сонатазы.
Чоохтирға кирек, Хакас филармониязының концерттеріне студенттерге паза музыка школаларының ӱгренҷілеріне билеттер ниик паанаң садылча.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде