ХАКАСИЯ ПАЗЫ ВИКТОР ЗИМИНГЕ СУРЫҒ ПИРІҢЕР
25.10.2017
Хабарлар
14 ноябрьда 12.00 часта Хакасия пазы Виктор Зиминнең кӧні палғалысты Интернетте ле нимес, iдӧк «РТС» медиахолдингтің ТВ-каналында кӧрерге паза радио-станциязында истерге чарир.
Кӧні палғалыстың ТВ-версиязы РТС паза «Домашний» каналларда олох кӱн 18.00 часта кӧзіділер. Республика пазына сурығларны амох пирерге чарир.
Город-аймах чуртағҷыларынаң республика пазына сурығларны, айланыстарны, хоптарны паза чӧптерні редакцияларда алчалар:
- «Хабар» газетаның тел.:
8 (3902) 222-297;
- «Хакасия» газетаның тел.:
8 (3902) 222-335;
- РТС телекомпанияның тел.: 8-800-250-92-11 (тикке сығдырадарға чарир);
- «Вконтакте» социальнай сетьтегі «Хакас Республика» официальнай группада (vk.com/prh19) сурығны, #вопросзимину хэштег турғызып, пирерге чарир.
Сурығны пирчетсе, хайди даа кізее ады-солазын, чуртапчатхан орнын, телефон номерін, социальнай статусты (тынағдағы, тоғыс чох чуртағҷы алай студент), ідӧк алында пу сурығҷа хайдар айланғанын искірерге кирек.
2І июльда ирткен Хакасия пазынаң кӧні палғалыста 1000 азыра сурығ кірген, оларның 50 азыра суриина Виктор Зимин кӧні палғалыста нандырған. Сурығларның кӧбізі хазых хайраллирына, ЖКХ-ға теелгеннер. Чуртағҷыларны ибіркі чирлерні иптирі паза чолларны тыхтиры сағыссыратхан. Кӧп сурығ муниципалитеттерде чал ахчазы тудылчатханынҷа паза «Доступная среда» программаны чуртасха кирерінҷе полған.
Хакасия пазынаң кӧні чоохтазығ полған на кварталда иртірілер.
Автор :
Хакасия пазының пресс-служба паза искіріг управлениезі
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде