РОССИЯНЫҢ ПІРІКТІРІЛГЕН КОМАНДАЗЫ - ХАКАСИЯДА
01.11.2017
Хабарлар
Россия юниорларының саналығ чарызарынҷа піріктірілген командазы «Тӧӧ» ЦСП-да Хакасия Кубогына марығларға тимненер. Командаа сигіс хыс паза анҷох оол кірче, оларнаң тренерлер Александр Кравченко паза Сергей Дергунов устапчалар.
Тӧӧ пазы - саналығ чӱгӱрҷең спортсменнерні тимнирге уғаа килістіре орын. Мында саналығ спорттың кӧп «чылтызы» позының чолын пастаан. Мындағы трассалар тилекейде иң чахсылар санына кірче.
- Піс чыл сай мында тимненчебіс. Тӱзімніг тимненіске мында чахсы оңдайлар пар. Пістің алныбыста пӧгін турча - ипчілернің паза иреннернің командаларына резерв тимнирі, - таныхтаан улуғ тренер Александр Кравченко.
Чыл сай Тӧӧ пазында иртчеткен республика Кубогына марығларда хазнаның иң кӱстіг спортсменнері араласча. Пӱӱл Хакасия пазы Виктор Зиминнің сыйыхтарына Кубок марығлары 19 - 24 ноябрьда иртер.
Автор :
Валерия БЫВШИХ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде