ТАҢДА - ЧОН ПӀРӀКТӀРЧЕТКЕН КӰН
03.11.2017
Хабарлар
4 ноябрьда 12.00 часта республиканың ипподромында Чон пірікчеткен кӱнге чарыдылған «Минің Россиям, минің хазнам» концерт иртер.
Анда Хакасияда чуртапчатхан аймах диаспораларның кізілері аралазар. Прайзын ӱлӱкӱнге хығырчабыс.
"Аарлыг чир-суғҷылар!
Чылығ алғыстапчабыс сірерні прай россияннарға пір полчатхан ӱлӱкӱннең - Чон пірікчеткен кӱннең!
Пу ӱлӱкӱн республиканың прай чуртағҷыларын, оларның политика паза киртініс кӧрістеріне, нациязына паза социальнай статузына кӧрбин, піріктірче.
Пу тусха піс улуғ чолны иртібіскебіс, паза ирткебіс аны хада! Постың чуртас-экономикадағы алғым кӱзінең тузаланып, республика прай сидіксіністерні тобырып алған. Алысчалар политика паза экономика оңдайлары, че Хакасия прай чуртас сфераларында, алнынзар хаалап, тӱзімніг тилізін кӧзітче. Кічіг ааллар хатап чуртасха айланчалар, хайығ салылча улуғ тӧлге хабазарына паза чииттерібісті ӱгредеріне - аарлирға Чир-суубысты, хайзының ады Россия!
Піс прайзы хада республикабысты ӧңненчеткен паза чуртасха истіг ит поларбыс - іди піс Россияны ӧңнендірербіс паза аның кӱзін хозарбыс!
Ӱлӱкӱннең сірерні, аарлығ арғыстар! Ибіңерде прай ниме пар ползын, иб ӱстӱнде арығ паза айас тигір турзын!
В.М.ЗИМИН, Хакасияның пазы - Хакасияның Правительство кнезі;
В.Н.ШТЫГАШЕВ, Хакасияның Ӧӧркі Чӧп кнезі;
Хакасияның аарлығ чуртағҷылары!
Прай чӱреемнең алғыстапчам сірерні Чон пірікчеткен кӱннең!
Пу ӱлӱкӱн чилегелерінең пурунғызар парыбысча, чон пірге полҷаң кибірлерні саблапча. Пӱӱн піс амғы тустың сидіксіністерінең кӱресчебіс, кӱсті Россияның тархынында, пістің ӧбекелернің саблығ киректерінде таап. Піс право хоостыра оларның матыр киректерінең, Ада чир-суубысха туза ағыларға кӱстеністерінең поғдархапчабыс.
Пӱӱнгі кӱнде дее чон пірге полғаны Россияның халых чонының кӱзін тыытчатхан ӧӧн тӧстее полча. Ол Хакас Республиканы даа, тиксі хазнаны даа тӱзімніг тилітчең ӧӧн оңдайларның пірсі.
Хакасияның прай чуртағҷыларына республиканы паза Россияны ӧңнендірерінде паза экономика саринаң тыыдарында тӱзімніг тоғыс алғапчам, сірернің чуртас сині ӧзіп турар ӱчӱн! Пик хазыхтығ, чахсы, амыр чуртастығ паза часкалығ полыңар!
Н.С.МАКСИМОВА, Хазна Думазының депутады;
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде