РОССИЯ ЕС-таң САНКЦИЯЛАРНЫ СУУРАРҒА СУРЫНМАС
08.11.2017
Хабарлар
МОСКВА. Андағ искіріг иткен Россияның пасха ханнар киректерінҷе министрі Сергей Лавров Москвада Европа бизнесменнерінең тоғасханда.
«Піс оларны суурарға сурынмаспыс», - теен Россия МИД-ының устағҷызы. Аның искіриинең, Европадағылар удаа Россия «хайдағ-да чахсы ниме» идібізерге кирек, андада оларның санкцияларны суурарына сылтағ полар тіпчелер. Министрнің кӧрізінең, анзы санкциялығ чаа «саңай тузазы чох ниме» полчатханын кӧзітче.
«Бизнес позы пілче, ниме ағаа тузалығ, - таныхтаан Лавров. - Че (политиктер) бизнестегілерні истерлеріне мин тың на киртінминчем». МИД устағҷызы Россия паза Казахстан президенттері Сочиде тоғазығ иртіргеннерінде, немец идінҷектер «политиканы экономиканаң палғалыстырбасха» чоох апарғаннарын сағысха кирче. Олох туста, хаҷан Крым паза Донбасс соонаң Европа Россиядаң тоғыр санкциялар кирген, ФРГ канцлері Ангела Меркель «политика экономиканың алнында поларға кирек» тіп чоох апарған.
Автор :
Российская газета
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде