ТОҒЫСЧЫЛАР ТИМНЕЛЧЕ
14.11.2017
Хабарлар
Пӱӱл Хакасияның чонға тоғыс тапчаң службазы 221 кізіні профессияа тимнеҷең паза квалификация кӧдірҷең программа хоостыра ӱгреткен. Ол санда 80 азыра чиит улус, 80-ҷа кiзi аалдаң, 4 кинек кізі. Пӱӱл профессиональней ӱгредіге республика бюджедінде 9 миллион салковай кӧріл парған.
Хакасияда тоғыс рыногында пар тоғыстарның саны тоғыс чох чуртағҷыларның санына тиңнелче тиирге чарир. Че, андағ даа полза, полған на тоғыс чох кізее сах андох тоғыс табылбинча. Тоғыс пирчеткеннерге каменщиктер, дозер алаи экскаватор машинизі киректелче, тоғынҷыларның, тізең, андағ ӱгредии чоғыл. Аннаңар республиканың чонға тоғыс тапчаң службазы чуртағҷыларны регионда иң киректелчеткен профессияларға ӱгретче.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде