ЧУРТАҒҶЫЛАР САНЫ ХЫЗЫРЫЛАР
01.12.2017
Хабарлар
МОСКВА. Россия чуртағҷыларының саны 2035 чылға, специалисттернің танығларынаң, 400 муң кізее хызырыл парар, пасха танығлардаң - пір миллион кізее. Андағ ухаанҷыластар итче Стратегическай тимненістер кіні Россияның демография сурығларына чарыдылған тоғызында.
Хайди пічікте таныхталча, 2017 чыл пасталарына Россияда 146,8 миллион кізі чуртаан. Халғанҷы чылларда чуртағҷылар санының ӧзізі 2013 - 2015 чылларда полған, че ол ӧзіс тың улуғ полбаан. Кӧзідімге, 2015 чылда хазнада 32 муң чуртағҷаа ла кӧп пол парған. 2016 чылда демографтар чуртағҷылар саны хызырыл сыхханын санға алғаннар, паза ухаанҷыластардаң, таңдағызында чуртағҷылар саны хызырылары ӧскеннең ӧзер.
Авторлар ідӧк ООН-ның Россия демографиязынҷа сан пирізіне хайығ айландырчалар, хайзының сананыстарынҷа, миграция сині тӧбін пол сыхханда, 2050 чылға хазна чуртағҷыларының саны 128,6 миллионға теере тӱс парар.
Автор :
Лента.ги
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде