ХАЗНА ПАСТАҒЫ ПАЛА ӰЧӰН ТӦЛИР
05.12.2017
Хабарлар
МОСКВА. Россия президенті Владимир Путин палалар кирексіністерін арачылирынҷа национальнай стратегияны чуртасха кирҷең координационнай чӧптің чыылиинда 2018 чылдаң сығара пастағы пала тапхан чиит сӧбірелерге, пала пip час чарымға читкенҷе, ай сай ахча тӧлеп турарға чӧпнең сыххан.
Пособие сині 2018 чылда 10 523 салковай полар, 2019 чылда - 10 836 салковай, 2020 чылда -11143 салковай. Хазна устағҷызы ідӧк 2018 чылдаң ікінҷі паза ӱзінҷі палалығ сӧбірелерге ипотекаҷа процент ставкаларына субсидия пирҷең программа тоғынардаңар чарлаан. Центробанктың саннарынҷа, амғы туста ипотекаҷа ортымах ставка 10,5% тиңнелче. Ікінҷі алай ӱзінҷі палалығ сӧбіре ипотеканы ол ставкаҷа алза, аның 4,5%-ін хазна тӧлир, сӧбіре - 6%-ін.
Ағаа хоза, Путин іҷе капиталы программазын 2021 чылның 31 декабрьына теере узарадыбызарға паза аның ахчазынаң тузаланҷаң оңдайларны алғыдыбызарға чӧпнең сыххан.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде