НАТАЛЬЯ, ЧИҢӀСНЕҢ!
08.12.2017
Хабарлар
Чебоксары городта олаңай кӱресче ипчілер аразында Россия кубогы ӱчӱн азых марығ ирткен. Олох туста пу городта тилекей Кубогы ӱчӱн марығ полған. Аннаңар анда араласхан кӱресчі ипчілерге пу арға-мӧрійде харбазар оңдай пиргеннер.
Россия кубогы ӱчӱн азых марығда пістің чир-суғҷыбыс, олаңай кӱресче чоннар аразындағы класстығ спорт узы Наталья Малышева араласхан. Ол 53 кг кӧдірімде харбасхан. Аның кӧдірімінде прай 24 кӱресчі саналған. Ағаа, азах меетсер сығып алар ӱчӱн, Америкадаң килген Хейли Оджеллоны паза
Сара Хильдебрандты утарға киліскен.
Пастағы орын ӱчӱн чир-суғҷыбыс Монголия ӱчӱн турысчатхан Сумия Эрденечимегнең тоғасхан. Ағаа саннарнаң утыр салып, Наталья Малышева кӱмӱс медаль алған.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы