КОЛЛЕДЖТЕР СТУДЕНТТЕРІНЕ - ПРЕЗИДЕНТ ГРАНТТАРЫ
15.12.2017
Хабарлар
МОСКВА. Президенттің гранттарын ам колледжтер студенттері дее ал поларлар. Чоох парча чыл сай чахсы ӱгренчеткен пис муң студентке хоза тӧлеглер пирілчеткеннеңер. Гранттың сині - ай сай 20 муң салковай. Мының алнында бакалавриаттың паза специалитеттің студенттері ле аны алҷаңнар, амды ортымах профессиональнай ӱгредіг программаларында ӱгренчеткеннер дее стипендияа хоза тӧлег аларлар.
Ідӧк грант ал полар чидіглер списогы алғыдылған. Ағаа инженернай паза техническай кӧстегліг марығлар хозылған. Грантты олимпиадада сыйыхтығ орын алған ӱчӱн не пирбинчелер, аны патент, наука изданиезінде чарыхха сығарған, книга, наа ниме сағын тапхан ӱчӱн пирерлер. Грант алар студент Россия чуртағҷызы поларға паза «Таланттар паза чидіг» чыынды апарчатхан таланттығ чииттер списогына кірерге кирек.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде