ӰЛГӰ ХАЙИИНДА - ИС-ПАЙҒА НАЛОГТЫ ТӰЗІРЕРІ
15.12.2017
Хабарлар
Пу неделяда Хакасияның пазы Виктор Зимин, Ӧӧркі Чӧптің кнезі Владимир Штыгашев, аның орынҷызы, бюджетче паза налог политиказынҷа комитет кнезі Сергей Комаров паза республика пазының администрация устағҷызы Валерий Денщиков тоғасханнар. Тоғазығның ӧӧн сурии - организациялар ис-пайына налогты тӱзірері.
- Хакасия ӱлгӱлерінзер идінҷектердең кӧп айланыстар кірче, - чарытхан Виктор Зимин. - Россия законнары хоостыра ис-пайға кадастр паазы турғызылча, хайзына тӧстеніп, ис-пай ээзіне налог саналча. Пірее ис-пайға налог уғаа пӧзік пол парча, аннаңар пу сурығ пірге чарадығны киректепче. Депутат корпузы ставканы хызырардаңар чарадығ алза, правительство ідӧк удур парар.
Республика парламентінің бюджетче паза налог политиказынҷа комитет кнезі Сергей Комаровтың искіриинең, Хакасияда налог ис-пай паазының 2 % тиңнелче. Мындағ процент Россияның 70 регионында турғызылған, че республиканаң хонҷых регионнарда ол хай-хай тӧбін: Хызылчар крайында - 0,4 %, Тувада - 0,3 %.
- Пілдістіг, ставканы тӱзірерге кирек, че ідӧк налогты тузында паза толдыразынаң тӧлирінҷе улуғ тоғыс апарарға кирек, - хосхан Владимир Штыгашев. - Налог тӱзірілзе, республика бюджеді 20 миллион салковай чідір тее салар, че хоза 200 миллион салковай чыып алар.
Наа пастағны парламент депутаттары пу чағында ӱзӱрерлер, анаң на республика законынзар алызығлар кирілер.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде