ӰС ПАЛА ТӦРІТКЕННЕРГЕ -1 МИЛЛИОН САЛКОВАЙ
15.12.2017
Хабарлар
Пӱӱл 27 сентябрьда Михаил, Николай паза Любовь тӧрееннер. Ікі чыл аразына Хакасияда пизінҷізін ӱс пала пір саңай тӧріді. Пу наада часкалығ кӧп палалығ іҷенең тоғасхан Хакасия пазы Виктор Зимин. Марина Камилованаң хада ідӧк ікі улуғ палазы полған.
- Уғаа чапсых, ыңааҷахтар перинатальнай кінде тӧреен пастағы пір саңай тӧреен ӱс пала полчатханы. Анда іҷелерге паза палаҷахтарға уғаа истіг оңдайлар тӧстелгені сын тіп чаразарзар. Мин сірерні прай чӱреемнең алғыстапчам, ол улуғ чидіг. Худай улуғ паза ынағ сӧбіреңерні хайраллазын, - айланған аалҷыларзар Хакасия пазы.
Республика пазы килчеткен чылда Хакасияда іҷелерге паза палаларға хабазығ хозыларынаңар чоохтаан, ол санда пір саңай тӧреен ӱс пала ӧскірчеткен сӧбірелерге хоза льготалар кирілері кӧрілчеткеннеңер.
Хакасия пазы Виктор Зимин олғаннарға сыйыхтар читірген, кӧп палалығ іҷее -1 миллион салковайға сертификат.
Чоохтирға кирек, алында пір саңай тӧреен ӱс палалығ сӧбірелерге пір хати 100 муң салковай паза ай сай 46І1 салковай тӧлелҷең. Ікі чыл мының алнында республика пазы Виктор Зимин кӧп палалығ сӧбірелерге хабазығларны хозардаңар пастағнаң сыххан. 2016 чылдаң пір саңай тӧреен ӱс палалығ сӧбірелер пір хати 1 миллион салковай алчалар паза полысчаа ай сай 10 муң салковай компенсация пирілче.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде