АУКЦИОН ЧАРЛАЛЧА
24.01.2018
Хабарлар
Хакасияда палых ӧскірҷең 10 наа участок тӧстелер
Республиканың суғ-кӧллерінде орнылығ палых ӧскірҷең участоктарнаң тузаланарына чӧптезіглер идеріне аукцион чарлалған. Аукционны Росрыболовствоның Кимдегі территориальнай управлениезінің Хакас Республикаҷа пӧлии иртірче.
Аукцион лоттары Пии, Таштып, Алтай аймахтарында паза Сорығ городта орныхчатхан 10 кӧл полча. Ол Пастағы паза Ікінҷі Татарскай, Хызыл, Кочечнай, Баланколь (Сорығдағы), Пазыколь, Ут, Хара (Кульстан) паза ікі ады чох кӧл. Пастаҷаң паалар - 960 салковайаң 43250 салковайға теере.
Прай кӧллер палыхтығ суғ-кӧллер чіли турғызылғаннар паза садыға сығарҷаң палыхтар оскіреріне кӧрілчелер. Палых ӧскірҷең участокнаң тузаланҷаң тус чӧптезігҷе - 25 чыл. Официальнай сайт, хайда аукционнаңар пічіктерні кӧріп аларға чарир: http://www.torgi.gov. ru, http://www.enisey-rosfish. ru.
Аукционда аралазарына заявкалар пічік хоостыра 2018 чылның 16 январьынаң 2018 чылның 14 февральына теере пу адресче алылчалар:
665007 Ағбан г., Маршал Жуковтың op., 70. Ідӧк заявканы электроннай кӧрімніг пирерге чарир, Пірге хазна полызығлары порталынаң тузаланып. Аукцион 2 мартта 2018 чылда 11.00 часта пу адресче иртер: Ағбан г., Маршал Жуковтың op., 70.
Автор :
Алексей БЛИНОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы