ТӦРЕЕН ТІЛІМ - ПОҒДАРХАЗЫМ
21.02.2018
Хабарлар
Марығ. Кем иң чахсы хығырча?
Н.Ф.Катановтың адынаң хакас национальнай гимназияда кибелістерні хығырарынҷа ӱгренҷілер марии ирткен. Пӱӱл саблығ поэт Валерий Майнашевке 70 час толарҷых. Ағаа чарыдып, аның кибелістерін хығырар марығ 5 - 10 класстар ӱгренҷілері аразында полған.
Кічіг класстардағыларның хай піреезі, туртуғып алай тіл чахсы пілбин, килегейлен турған. Че ӧткіннері паза пос тілін чахсы пілчеткеннері кибелістерні тадырада чоохтап турғаннар. Іди оларның аразында марығ чарғыҷылары пастағы орынны 6-ҷы «а» класс ӱгренҷізі Анна Судочаковаа пиргеннер. Ікінҷі орын 6-ҷы «б» класс ӱгренҷізі Роман Котюшевке, ӱзінҷі орын 5-ҷі «б» класс ӱгренҷізі Альбина Чебодаеваа пирілген.
Улуғ класстар аразында марығлас тиң дее парған тиирге чарир. Олар Валерий Майнашевтің кибелістерін пір дее туртухпин, сӱрнӱкпин хығырғаннар. Пастағы орын-да 8-ҷі «б» класс ӱгренҷізі Ксения Мамышева, ікінҷі орында 10-ҷы «в» класс ӱгренҷізі Аделина Султрекова паза ӱзінҷі орында 8-ҷі «б» класс ӱгренҷізі Таня Миндибекова пол парғаннар.
Автор :
Илья ТОПОЕВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде