ИҢ ПӦЗІК САМОВАР
21.02.2018
Хабарлар
ЯРОСЛАВЛЬ ОБЛАЗЫ. Пӱӱл Сарығ хайах ӱлӱкӱнге орта Ярославльда иң пӧзік самовар тимге сыххан. Ол Россияның Рекордтар книгазына киріл парған.
Чистең иділген самоварға 300 литр суғ кірче. Аның пӧзии - 201 см. Чылығ туста андағы суғ 40 минутаа хайнап парча, хысхызын - 60 минутаа. Аны хайдағ даа одыңнаң одынарга чарапча.
Мының алнында иң пӧзік самовар Москвада полған. Аны «Москва» тіп адап салғаннар, пӧзии 196 см тиңнелген. «Ярославль» самоварның пӧзиин Россияның Рекордтар книгазының редакторы Станислав Коненко синеен, ол 201 см тиңнелче тіп чарлаан.
Коненконың чооғынаң, пу рекордтың ӧӧн чидии - ол самоварда хайнаан чей ізіп алары. Сарығ хайахта кізілер андар тееске турғаннар.
Автор :
Российская газета
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде