КИЛІСТІРЕ ОРЫНДА ӰН ПИРЕРГЕ
28.02.2018
Хабарлар
Табығлар-2018.
Хакасияның участковай табығ комиссиялары Россия президентіне табығларда кізілернің полчатхан орны хоостыра табығҷылар списогынзар кирердеңер айланыстарын алып пастабысханнар.
Участковай табығ комиссиялары 2018 чылның 25 февральынаң Россия президентіне табығларда кізілернің полчатхан орны хоостыра табығҷылар списогынзар кирердеңер айланыстарын алып пастабысханнар.
Полчатхан орны хоостыра табығҷылар списогынзар кирердеңер айланыстығ пічік кізілерге килістіре полчатхан орында ӱн пирерге оңдай пирче. Пічікке кирілген орны хоостыра нимес ӱн пирер ӱчӱн, 2018 чылның 12 мартына теере килістіре айланыстығ пічік пирібізерге кирек. Анзын хайдағ даа ТИК -та, УИК -та, МФЦ пӧлиинде алай «Хазна полызығлары» порталда идерге чарир.
Таныхтирға кирек, пас чӧрбинчеткен паза кинек кізілер, хайзылары пічікке кирілген орын хоостыра нимес чуртапчалар, ідӧк оларға чағын паза килістіре полчатхан табығ участогында пічікке кирілер оңдайлығлар. Анзына участковай табығ комиссиязынзар пічік пазып алай чоохтап,социальнай тоғынҷы пастыра айланарға кирек. УИК кізілері, табығҷызар постары киліп, айланыстығ пічік пазарға полыс пирерлер.
Участковай табығ комиссияларының айланыстарны алҷаң пункттары тоғынҷаң кӱннерде кӱннің сай 16.00 частаң 20.00 часха теере тоғынчалар, тынағ кӱннерде - 10.00 - 16.00 часха теере. Чағынғы табығ участогын Россияның Ӧӧн табығ комиссиязының сайтында, Хакас Республиканың Табығ комиссиязының официальнай сайтында табығ участоктарының интерактивнай картазы полызиинаң, паза ідӧк Россияның Ӧӧн табығ комиссиязының искіріг-справка кінінзер 8-800-707-2018 телефонҷа сығдырадып, таап аларға чарир.
Автор :
Хакасияның Табығ комиссиязының хабарлар пӧлии
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы