ЧУРТАҒҶЫЛАРҒА - ТОҒЫС ОРЫННАРЫ
02.03.2018
Хабарлар
Тоғыс сурии. Пістің республикада тоғыс чохтар саны Сибирьде иң асхынах полчатханы Россия правительствозының чыылиинда таныхталған.
Россия правительствозының істеніс рыногына чарыдылған чыылығда Хакасияның пазы Виктор Зимин араласхан. Ӱзӱріг тузында пістің республикада тоғыс чохтар саны 5% тиңнелчеткені таныхталған, ол Сибирьдегі федеральнай округтағы ортымах кӧзідігнең, хайзы 7% тиңнелче, пілдірте асхынах. Россияда пу кӧзідіг 5,1% синінде.
Ідӧк Хакасияның істеніс рыногында чал ахчазы чох отпускка ызылған тоғынҷылар чоғылы санға алылған. Республиканың істеніс паза чонға тоғыс тапчаң министерствозы неделя сай тоғыс пирчеткеннернең хада-пірге пу сурығны сыныхтағда тутча. Аннаң пасха, республикада кізілерні закон хыйыстыра тоғысха аларын хызырарынҷа, кічіг паза ыраххы ааллар чуртағҷыларын мал ӧскірерге кӧӧктірерінҷе паза пір кӧстегліг орыннарда чонға тоғыс пирерінҷе тоғызы чахсы паалалған.
- Тӧӧ пазында рудник чабылған соонаң тоғыс чох халған 470 тоғынҷының алтызы ла тоғыс тапчаң кінде саналча, - искіриинде таныхтаан республика пазы Виктор Зимин. - Абазада предприятие тоғызы нааҷылалған, амды анда 600 азыра кізі істенче.
Чыылығда алынҷа хайығ салылған регионда чуртасха кирілчеткен инвестиция проекттеріне істеніс оңдайлары тӧстелчеткені. Хакасияның киректелчеткен специалисттерні тимнеҷең оңдайлары пар, ол санда чуртағҷыларға аймах хабазығларны тыытхан сылтаанда.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы