КЕМ ПОЛАРЫН КІЗІ ПОЗЫ ПӦКЧЕ
21.03.2018
Хабарлар
Тоғыс сурии. Хайдағ профессиялар амғы туста кирексіністе? Хайда ол тоғысха ӱгреніп аларға чарир?
Тус парча, прай ниме алызып одырча, аны хоостыра чуртассар наа, амғы тусха килістіре профессиялар кіріп одырча, пасхазы, тізең, киректелбинчеткеннеңер чітче. Аннаңар хай пірее специалисттер тоғыс чох таа халарға айабастар. Андағ изі чох кирекке урунмас ӱчӱн, чонда хаҷан даа киректелчеткен профессияны таллап аларға кирек. Ағаа чарых кӧзідім - пӱдіріг кирее. Чон хаҷан даа пӱдірінче. Мында чоох парча иң пастап прайзына таныс специалисттердеңер - ол плитка салҷаң, чахчаң, сырлаҷаң устар паза даа пасха тоғыстар. Пӱӱнгі кӱнде оларның тоғызы улам на аарлалча паза чонда удаа тузаланылча.
Таныхтирға кирек, ол специаль-ностьтарға посха ӱгреніп алар ӱчӱн кӧп кӱс паза тус киректелер. «Практик» тыхтағ тоғызының школазы позының улуғ опыдынаң ӱлезерге тимде. Аның ӱгредіг программа-зынзар теория паза практика чар-дыхтары кірче. Тыхтағ тоғызының школазы хысха тусха ӱгренҷілерінең устар ит салча. Пос тоғызын чахсы толдырза, хаҷан даа тоғыс полар. Ол, тізең, істеніс рыногында пик турарға полызар паза ахчадаң хы-зыларға пирбес.
Ӱгредіг курзының ӧӧніне иң наа технологияларнаң тузаланары кӧріл парған, андағы устар, тізең, прайзы узын киречілепчеткен сертификат-тығ паза дипломнығ.
Нименең чахсы ол школа?
1. Квалификациялығ специалист-терні тимнирінің ӧӧні - практика. Практика тузында теория ӱгредии хаталча. Хайди Александр Суворов таныхтаан: «Теория практика чох чуртабинча, практика теория чох кӧрбинче».
2. Пӱдіріг киреенде ӱр чыллар тоғынған, опыттығ ӱгретчілер уста-рынаң ӱлезерге тимделер.
3. Практикада тузаланылчатхан материаллар ӱгредіг ӱчӱн тӧлеге кірче.
4. Тоғыста киректелчеткен ӧнетін кип-азах пирілче, соонаң ол ээзіне халча.
5. Ӱгредіг соонда сертификат пирілче.
6. Пістің пӱдіріг паза тыхтағ
организациябыста тоғынар оңдай пирілче.
7. Ӱгредіг ӱчӱн тӧлегні чардыхти пирерге чарир.
8. Городта чуртабинчатханнарға гостиницада орын пирілче. Аның паазы пір айға ӱс муң салковайдаң пасти паза аннаң даа пӧзік.
Амғы туста «плиточник-облицо-вочник» специальностьха ӱгренерге чон алылча. Пӱӱн плитка паза кафель салҷаң ус - ол тыхтағ паза пӱдіріг киреенде иң не киректелчеткен профес-сияларның пірсі. Тыхтағ тоғыстары наа даа паза совет тузындағы даа тураларда ӧткін толдырылча.
Плиткаларнаң палғалыстығ прай даа тоғыстар «евро» категория-лығ тыхтағ тоғыстарына кірче. Ол специалисттерге кӧп чахығ улуғ городтардаң кірче. Кӧзідімге, Моск-вадаң, Санкт-Петербургтаң. Анда, пӱдіріг кирее ӧткін тиліпчеткен-неңер, тоғыс таа кӧп поладыр.
Кафель плитказын саларының ортымах паазы регионнаң палғалыс-тығ, че ортымахти алза, квадрат метр 500 - 900 салковайға паалалча. Іди специалист кӱнде 8 квадрат метр плитка салчатса, 4000 - 7200 салковай пір кӱнге тоғынып алча. Табырах тоғын полчатханынаң кӧп ниме палғалыс-тығ. Ідӧк квартира істіндегі тоғыс-тардаң пасха, плитка салҷаң устар орамаларда плиткалар салчалар.
Халғанҷы туста прай даа город-тарның тротуарлары, площадьтары плиткаларнаң салылча. Оларның тоғыс сині уғаа алғым, чал ахчазы ідӧк кічіг нимес. Городтарда плитка салҷаң устар хаҷан даа кирек. Аннаңар андағ специалисттер тоғыс чох халбастар. «Практик» тыхтағ тоғызының школазы ол профессияа ӱгренерге хығырча. Хайди тидірлер, кем поларын паза нинҷе чал ахчазын аларын сірер пӧкчезер.
«Практик» тыхтағ тоғызының школазы ӱгредіг курстарына хығыр-ча. Ӱгредіг сигіс неделяа кӧріл парған - 160 час.
Ӱгренерге сағынчатханнар пу но-мерлерге сығдыратсыннар: 8923015 8228, 89232125649.
Эдуард МАРЧЕНКО
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде