ВЛАДИМИР ПУТИН КЕМЕРОВТА
28.03.2018
Хабарлар
КЕМЕРОВ ОБЛАЗЫ. Россия президенті Владимир Путин Кемеровсар килген, анда улуғ ӧрт 60 азыра кізінің чуртазын апарыбысхан. Хазна устағҷызы «Зимняя вишня» садығ-тынағ кіні хыринда, хайда чон чахайахтар, ойнаҷахтар паза ӱрееннернің сомнарын сал салған, розалар салған.
Ідӧк президент паза Сибирьдегі федеральнай округтағы аның полномочиеліг кізізі Сергей Меняйло кӧй парған пӱдірігні кӧріп алғаннар. Аның соонаң Путин экстреннай службаларның паза регион устағ-пастаанаң тоғасхан.
Кузбасста траур 29 мартха теере полар. «Зимняя вишняда» ӧрт 25 мартта пол парған. Хорғыстығ ӧрт 64 кізінің чуртазын ӱскен, 60 артиинаң кізі имҷілерзер айланған, оларның 15-і - имнег туразында. Хайди искірген Россияның хазых хайраллаҷаң министрі Вероника Скворцова, Кемеровта 25 кізінің сӧӧгін танып алғаннар, оларның 13-і - пала. Кізілер чуртазы ӱзілгені хоостыра уголовнай кирек азылған. Тӧрт кізі арестке алылған.
Автор :
Российская газета
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде