СУҒА КІРГЕННЕРГЕ ПРАЙЗЫНА ПОЛЫЗЫҒ ПИРІЛЕР
28.03.2018
Хабарлар
Сағыбаан саай. Хакасияның пазы Виктор Зимин республика чуртағҷыларына, хайзының туразынзар алай иб хыриндағы участогынзар хайылған паза тағдаң инген суғ кір парған, ахчалығ полызығ пирерге чахаан.
- ПОЛЫЗЫҒ ПИРӀЛЕР ПРАЙЗЫНА, КЕМ, СУҒА КІРӀП ӰРЕГЕ КІРГЕН. ХЫЙАЛҒА КІРГЕН МУНИЦИПАЛЬНАЙ ПӰДІСТЕРНІҢ ПАСТАРЫНА КОМПЕНСАЦИЯЛАР ТӦЛИРІНЕ КИРЕК ПІЧІКТЕРНІ ТИМНИРІНҶЕ ТОҒЫСХА ӦТКІН ХОЗЫЛАРҒА ПАЗА КІЗІЛЕРНІҢ ЧОБАҒЛАРЫНА СИЗІКТІГ ХАЙАРҒА ЧАХЫПЧАМ. ЧУРТАСТЫ ХОРҒЫС ЧОХ ИДЕРІ - ОЛ СІРЕРНЕҢ ХАДА ПІСТІҢ ТОҒЫЗЫБЫС. ЧУРТАҒҶЫЛАРНЫҢ ПІРДЕЕЗІ ХАЙЫҒ ЧОХ ХАЛБАСХА КИРЕК. ХАКАСИЯДА СИДІК ТУСТА ХАҶАН ДАА ПОЛЫЗЫҒА КИЛҶЕҢНЕР. ИРТКЕН ЧЫЛДА ПІС ШИРА АЙМААНДА МӰНДӰРГЕ ЮРГЕН ШКОЛАЛАРНЫ ПАЗА ОЛҒАН САДТАРЫН ЧАПЧАҢ ТЫХТАБЫСХАБЫС, АНЫҢ АЛНЫНДА - ГАЛЬДЖА, ХЫЗЫЛ ЧАЗЫ, ЖЕМЧУЖНАЙ ААЛЛАРДА МӰНДӰРГЕ САПТЫРҒАН ХЫРЛАРНЫ НААҶЫЛАБЫСХАБЫС, ӰӰҶІК ТАМААН ЧІДІРГЕН ЧУРТАҒҶЫЛАРҒА ПОЛЫС ПИРГЕБІС. СУҒА КІРГЕНІ ПАСХАЛАЛБАСХА КИРЕК, ЧИР-ЧАЙААН СААЙЫНА КІРГЕННЕРГЕ ПРАЙЗЫНА ПОЛЫС ПИРЕРБІС, - ТАНЫХТААН ВИКТОР ЗИМИН.
Чут кӱннер паза хар чаапчатханы сылтаанда суғларны сыныхтиры хараа-кӱнӧрте апарылча. Республиканың сағыбаан саайларны азынада тохтадарынҷа паза оларнаң тоғыр кӱрезерінҷе пірге системазының кӱстері хайылған паза тағдаң инген суғнаң кӱрезерге тимде полчалар.
Чуртағҷыларға харны тузында арығлап турарға, суғ ағысчаң канаваларны арығлабызарға паза ідӧк ниме-нооларны, ас-тамахтарны, орадаң сығарып, хуруғ, пӧзік орынзар тазып саларға чӧп пирілче.
Кізі чуртазына хорғыс пар полза, Россия МЧС-ының ӧрт-арачылағ службазынзар 101 телефонҷа алай экстреннай службаларны хығыртчаң 112 пірге номерҷе сығдырадыңар. Суғ кіргенін сизін салзаңар, сах андох аймахтың пірге тоғынчатхан диспетчер службазынзар (ЕДДС) айланыңар: Ағбан г.
ЕДДС - 8(3902) 22-41-64;004 Харатас г.
ЕДДС - 8(39031) 2-59-51 Саяногорск г.
ЕДДС - 8(39042) 2-11-97 Абаза г.
ЕДДС - 8(39047) 2-48-52 Сорығ г.
ЕДДС - 8(39032) 3-27-44
Алтай аймааныц ЕДДС - 8(39041) 2-16-41
Асхыс аймааныц ЕДДС - 8(39045) 9-23-04
Боград аймааныц ЕДДС - 8(39034) 9-11-77
Пии аймааныц ЕДДС - 8(39044) 3-00-09
Орджоникидзе аймааныц ЕДДС - 8(39036) 2-24-16
Таштып аймааныц ЕДДС - 8(39046) 2-14-19
Шира аймааныц ЕДДС - 8(39035) 9-11-06
Ағбан пилтірі аймааныц ЕДДС - 8(39032) 2-15-09.
Амғы туста ӱреге кірген пис муниципалитеттің тӧртінде кирек оңдайланған. Хайылған паза тағдаң инген суғны тохтадар тоғыстар Алтай, Асхыс, Шира аймахтарында паза Саяногорскта тоозылған. Пии аймаанда суғнаң кӱрезері узарадылча. Таныхтирға кирек, хар хайылғаны сылтаанда 73 тура (подваллар) паза 41 иб хыриндағы участок суға кірген: Пии, Алахтайлар, Новониколаевка, Новокурск, Новотроицкай, Солбы аалларда.
Муниципалитеттерде тӧстелген комиссиялар ӱрегні паалирынҷа тоғысты пастабысханнар. Оларның салтарларынҷа комиссия хыйалға кірген чуртағҷыларның, хайзылары закон хоостыра ахчалығ полызығ аларға праволығ полчалар, списогын тимнир.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде